"Рома" ёзда ярим ҳимоячи Николо Дзаньоло билан хайрлашмоқчи, деб хабар беради Sky Sports Italia. 22 ёшли футболчи трансферга қўйилди.

Футболчининг ўзи "Ювентус" ёки "Милан"га ўтишни хоҳлайди, аммо "Рома" унинг хорижга кетишини афзал кўради.

Тахминларга кўра, италияликнинг трансфери "бўрилар"га 55 миллион еврога яқин даромад келтириши мумкин.

Дзаньолонинг ўзи А Серияни тарк этишни истамаяпти, гарчи унга Англия Премьер-лигаси клублари қизиқиш билдираётган бўлса ҳам.

Ўтган мавсумда Николо "Рома" сафида барча мусобақаларда 42 та ўйинда майдонга тушиб, 8 та гол урди ва 9 та голга ассистентлик қилди.

Ярим ҳимоячининг Рим клуби билан шартномаси 2024 йилнинг 30 июнига қадар амал қилади.