Milanning “Inter” klubi bosh murabbiyi Simone Indzagi “Roma” yarim himoyachisi Genrix Mxitaryanni “neradzurrilar” safiga o‘tishga shaxsan ishontirdi, deb xabar beradi Football Italia.
Mxitaryan Indzagi bilan telefon orqali gaplashdi, suhbat davomida "Inter" bosh murabbiyi yarim himoyachini ushbu transfer oynasida klubini o‘zgartirishga ko‘ndirgan.
Avvalroq, "Bo‘rilar" 33 yoshli yarim himoyachi bilan 1 yillik yangi shartnoma imzolashga tayyorligi xabar qilingandi.
Mxitaryan "Roma"ning yangi shartnoma bo‘yicha taklifini qabul qilmadi. Milanning "Inter" klubi taklifi futbolchi uchun ham moliyaviy, ham sport nuqtai nazaridan foydaliroq bo‘lib chiqdi.
O‘tgan mavsumda armanistonlik futbolchi rimliklar safida 44 ta o‘yinda maydonga tushib, 5 ta gol urdi va 9 ta golli uzatmani amalga oshirdi.













