Миланнинг “Интер” клуби бош мураббийи Симоне Индзаги “Рома” ярим ҳимоячиси Генрих Мхитарянни “нерадзуррилар” сафига ўтишга шахсан ишонтирди, деб хабар беради Football Italia.
Мхитарян Индзаги билан телефон орқали гаплашди, суҳбат давомида "Интер" бош мураббийи ярим ҳимоячини ушбу трансфер ойнасида клубини ўзгартиришга кўндирган.
Аввалроқ, "Бўрилар" 33 ёшли ярим ҳимоячи билан 1 йиллик янги шартнома имзолашга тайёрлиги хабар қилинганди.
Мхитарян "Рома"нинг янги шартнома бўйича таклифини қабул қилмади. Миланнинг "Интер" клуби таклифи футболчи учун ҳам молиявий, ҳам спорт нуқтаи назаридан фойдалироқ бўлиб чиқди.
Ўтган мавсумда арманистонлик футболчи римликлар сафида 44 та ўйинда майдонга тушиб, 5 та гол урди ва 9 та голли узатмани амалга оширди.
