Eden Azar har doim "Real"da o‘ynashni orzu qilganini aytdi.

“Menimcha, hamma mening xabarimni tushundi. Karim Benzema menga mikrofonni berdi. Nimadir deyishim kerakligini ham bilmasdim. Va bu so‘zlar o‘z-o‘zidan paydo bo‘ldi.

Bilasizmi, "Real Madrid"ga o‘tish - faoliyatimning cho‘qqisi. Dunyoning eng chiroyli klubiga ajoyib formada bordim. Hammasi noto‘g‘ri ketdi. Men biroz xafa bo‘ldim va hafsalam pir bo‘ldi. Shaxsiy miqyosda juda ko‘p yomon lahzalar bo‘lgan. Lekin hamma narsa unchalik dahshatli emas.

Men ajoyib odamlar bilan tanishdim, eng yaxshi futbolchilar bilan o‘ynadim. Mening shartnomam yana ikki yilga amal qiladi. Endi esa keyingi yil o‘z normal darajamga yetishim uchun barcha sharoitlar mavjud. Yozda men uchun yaxshi jismoniy va ruhiy tayyorgarlik ko‘rish muhim. Ishonchim komilki, meni hali ko‘p ajoyib yillar kutib turibdi. Menda hech qanday shubha yo‘q.

Murabbiy mening shartnomamga yana ikki yil borligini biladi. Birinchi uch yillik yaxshi o‘tmadi. Men hammaga nimaga qodirligimni ko‘rsatmoqchiman. "Real Madrid"da o‘ynash - hayotimdagi eng katta maqsadim. Bu hali ham mening orzuim. Mening oilam bu yerda doim baxtli bo‘lgan, hozir ham baxtli”, - deydi “Real” yarim himoyachisi.