2021/2022 yilgi mavsumda Bundesliganing eng yaxshi futbolchisiga aylangan “Leypsig” yarim himoyachisi Kristofer Nkunku yetakchi klublar tomonidan unga bo‘lgan qiziqish haqida fikr bildirdi.
“Hech kimga sir emaski, menga qiziqayotgan klublar bor. Ha, bu juda quvonarli. Lekin “Leypsig”dek klub meni saqlab qolish uchun hamma narsani qilayotgani ham yoqimli. Men yaxshilab o‘ylab, to‘g‘ri qaror qabul qilishim kerak.
Jahon chempionati yaqinlashmoqda va bu omilni hisobga olish kerak. Aytganimdek, biz hamma narsani yaxshilab o‘ylab bir qarorga kelamiz", - dedi Nkunku Telefoot nashriga.
Fransuz ortda qolgan mavsumda 34 ta o‘yinda maydonga tushib, 20 ta gol urdi va 15 ta golli uzatmani amalga oshirdi.
