2021/2022 йилги мавсумда Бундеслиганинг энг яхши футболчисига айланган “Лейпциг” ярим ҳимоячиси Кристофер Нкунку етакчи клублар томонидан унга бўлган қизиқиш ҳақида фикр билдирди.
“Ҳеч кимга сир эмаски, менга қизиқаётган клублар бор. Ҳа, бу жуда қувонарли. Лекин “Лейпциг”дек клуб мени сақлаб қолиш учун ҳамма нарсани қилаётгани ҳам ёқимли. Мен яхшилаб ўйлаб, тўғри қарор қабул қилишим керак.
Жаҳон чемпионати яқинлашмоқда ва бу омилни ҳисобга олиш керак. Айтганимдек, биз ҳамма нарсани яхшилаб ўйлаб бир қарорга келамиз", - деди Нкунку Telefoot нашрига.
Француз ортда қолган мавсумда 34 та ўйинда майдонга тушиб, 20 та гол урди ва 15 та голли узатмани амалга оширди.
