Madridning “Atletiko” klubi argentinalik hujumchi Paulo Dibala atrofidagi vaziyatni kuzatmoqda, deya xabar bermoqda jurnalist Janluka Di Marsio o‘z saytida.

Manbaning xabariga ko‘ra, futbolchining o‘zi hozir agentlardan unga qaysi klublar qiziqayotgani haqida javob kutmoqda.

Avvalroq Dibalaga asosiy davogar "Inter" ekani, u yaqin orada futbolchi bilan shartnoma imzolashi mumkinligi haqida xabar berilgandi.

Dibala tez orada "Yuventus"ni tark etadi va erkin agentga aylanadi.

Eslatib o‘tamiz, qanot hujumchisi 2015 yildan beri "Yuventus"da o‘ynab kelmoqda. 2021/2022 yilgi mavsumda 28 yoshli argentinalik futbolchi Italiya chempionatining 29 ta uchrashuvida qatnashib, 10 ta gol urdi va 5 ta golli uzatmani amalga oshirdi.