"Liverpul" hujumchisi Sadio Mane "Bavariya"ga o‘tishga yaqin turibdi, deya xabar beradi Bild.
Manbaga ko‘ra, "qizillar" bosh murabbiyi Yurgen Klopp senegallik 30 yoshli hujumchining ketishiga rozi bo‘lgan.
Avvalroq, ingliz klubi senegallik hujumchi uchun dastlab 50 million yevro so‘ragani, endi esa transfer summasi 45 million yevroga kamaygani ma’lum bo‘lgandi.
“Bavariya” sport direktori Hasan Salihamidjich va Germaniya klubi bosh direktori Oliver Kan muzokaralarni davom ettirish uchun tez orada Angliyaga jo‘nab ketishadi.
Eslatib o‘tamiz, Mane 2016 yilda "Sautgempton"dan 41,2 million yevro evaziga "Liverpul" futbolchisiga aylangandi.













