"Bavariya" "Liverpul" bilan hujumchi Sadio Maneni sotib olish bo‘yicha juda qiyin muzokaralar olib bormoqda, deb yozdi jurnalist Florian Plettenberg.

Manbaga ko‘ra, "Bavariya" 30 yoshli senegallik futbolchidan sabrli bo‘lishni so‘ragan, chunki ingliz klubi bilan muzokaralar qiyin kechmoqda.

Qayd etilishicha, hujumchi faoliyatini davom ettirish uchun faqat bitta variantni ko‘rib chiqmoqda va aynan Myunxen klubiga o‘tmoqchi.

Myunxenliklar sport direktori Hasan Salihamidjich "Liverpul" rahbarlari bilan uchrashish va Mane transferi bo‘yicha muzokaralar olib borish uchun Angliyaga uchib ketishni rejalashtirayotgani avvalroq xabar qilingandi.

O‘tgan mavsumda Mane mersisaydliklar safida barcha turnirlarda 50 ta o‘yinda maydonga tushib, 23 ta gol urdi va 2 ta golga assistentlik qildi.

Hujumchining klub bilan shartnomasi 2023 yilning 30 iyuniga qadar mo‘ljallangan.