"Бавария" "Ливерпуль" билан ҳужумчи Садио Манени сотиб олиш бўйича жуда қийин музокаралар олиб бормоқда, деб ёзди журналист Флориан Плеттенберг.
Манбага кўра, "Бавария" 30 ёшли сенегаллик футболчидан сабрли бўлишни сўраган, чунки инглиз клуби билан музокаралар қийин кечмоқда.
Қайд этилишича, ҳужумчи фаолиятини давом эттириш учун фақат битта вариантни кўриб чиқмоқда ва айнан Мюнхен клубига ўтмоқчи.
Мюнхенликлар спорт директори Ҳасан Салиҳамиджич "Ливерпуль" раҳбарлари билан учрашиш ва Мане трансфери бўйича музокаралар олиб бориш учун Англияга учиб кетишни режалаштираётгани аввалроқ хабар қилинганди.
Ўтган мавсумда Мане мерсисайдликлар сафида барча турнирларда 50 та ўйинда майдонга тушиб, 23 та гол урди ва 2 та голга ассистентлик қилди.
Ҳужумчининг клуб билан шартномаси 2023 йилнинг 30 июнига қадар мўлжалланган.
