"PSJ" Zinedin Zidanning bosh murabbiy etib tayinlanishiga ishonchini yo‘qotgani yo‘q.
Matbuot parijliklarning yangi bosh murabbiyi bo‘lishga Kristof Galtyeni asosiy favorit deb atamoqda, ammo klubning qatarlik mutasaddilari hamon Zinedin Zidan bilan kelisha olishlarini kutishmoqda, deya xabar beradi Foot Mercato jurnalisti Sebastyan Denis.
Maurisio Pochettino bir hafta ichida iste’foga chiqarilishi mumkin. Mish-mishlarga ko‘ra, "PSJ" qiziqishlari ro‘yxatida "Roma" ustozi Joze Mourinyo ham paydo bo‘lgan, ammo bu ma’lumot rad etilgan.
