Ekvador terma jamoasi 2022 yilgi jahon chempionatida ishtirok etmaydi. Mundo Deportivo xabariga ko‘ra, FIFA allaqachon bu haqida tegishli qarorni qabul qilgan.
10 iyun kuni Ekvadorning Qatardagi turnirda ishtirok etmasligi va uning o‘rniga Chili terma jamoasi ishtirok etishi haqidagi rasmiy xabar e’lon qilinishi kutilmoqda.
Chorshanba kuni Chili terma jamoasining advokati himoyachi Bayron Kastilyo kolumbiyalik ekanligi va Ekvador terma jamoasida o‘ynash huquqiga ega emasligi haqida dalillar topgani xabar qilingandi.
Eslatib o‘tamiz, ayni damda Qatarda bo‘lib o‘tadigan jahon chempionatida ishtirok etadigan 30 ta terma jamoa aniqlangan. Turnirning o‘zi 21 noyabrdan 18 dekabrga qadar bo‘lib o‘tadi.
