"Liverpul" rahbariyati yozda klubini o‘zgartirmoqchi bo‘lgan senegallik hujumchi Sadio Mane bo‘yicha narxlarni qisqartirdi.

Bild xabariga ko‘ra, mersisaydliklar endilikda 30 yoshli senegallik futbolchini "Bavariya"ga 45 million yevro evaziga qo‘yib yuborishga tayyor, garchi bungacha "Liverpul" nemis klubidan kamida 50 million so‘ragan edi. Manbaga ko‘ra, tomonlar o‘rtasidagi muzokaralarda oldinga siljish kuzatilmoqda.

O‘tgan mavsumda Sadio Mane Angliya chempionatida 34 ta o‘yinda maydonga tushib, 16 ta gol urgan va 2 ta golga assistentlik qilgan.