"Ливерпуль" раҳбарияти ёзда клубини ўзгартирмоқчи бўлган сенегаллик ҳужумчи Садио Мане бўйича нархларни қисқартирди.

Билд хабарига кўра, мерсисайдликлар эндиликда 30 ёшли сенегаллик футболчини "Бавария"га 45 миллион евро эвазига қўйиб юборишга тайёр, гарчи бунгача "Ливерпуль" немис клубидан камида 50 миллион сўраган эди. Манбага кўра, томонлар ўртасидаги музокараларда олдинга силжиш кузатилмоқда.

Ўтган мавсумда Садио Мане Англия чемпионатида 34 та ўйинда майдонга тушиб, 16 та гол урган ва 2 та голга ассистентлик қилган.