"Udineze" hujumchisi Jerar Delofeu yozda "Napoli"ga o‘tishga harakat qilyapti, deya xabar beradi futbolchining agenti Albert Botines.
"Napoli" uning uchun ajoyib variant. Bu Chempionlar ligasida o‘ynaydigan ajoyib klub va albatta eng yaxshi variantlardan biri bo‘ladi. Kelgusi haftalarda transfer qanday rivojlanishini ko‘ramiz. Italiyadan ham, Ispaniyadan ham turli takliflar bor. Qolaversa, Premyer-liga klublaridan Jerarga ham qiziqish bor”, - dedi futbolchining agenti.
Avvalroq, 28 yoshli futbolchining transferi neapolliklarga 15-16 million yevroga tushishi mumkinligi haqida xabar berilgandi.
2021/22 yilgi mavsumda Delofeu “Udineze” safida 35 ta o‘yinda maydonga tushib, 13 ta gol urdi va 5 ta golli uzatmani amalga oshirdi. Transfermarkt.com portali hujumchining narxini 15 million yevroga baholamoqda.