"Manchester Yunayted" "Ayaks" qanot hujumchisi Antoniga qiziqish bildirmoqda, deb xabar beradi Goal Brasil.
Manbaga ko‘ra, 22 yoshli braziliyalikning vakillari ingliz klubi bilan muzokara o‘tkazish uchun Manchesterga kelgan.
Qayd etilishicha, ehtimoliy transfer summasi 60 million yevroga baholanmoqda.
Hujumchining kelajagi yaqin kunlarda aniqlanishi mumkin.
Antoni o‘tgan mavsumda "Ayaks" safida barcha turnirlarda 33 o‘yinda 12 gol urdi va 10 golga assistentlik qildi. Uning Niderlandiya klubi bilan shartnomasi 2025 yilning 30 iyuniga qadar mo‘ljallangan.