“Sevilya” hujumchisi Lyuk de Yong faoliyatini Meksika chempionatida davom ettirishi mumkin, deb yozadi jurnalist Fabrisio Romano.

Manbaga ko‘ra, ispan klubi Meksikaning "Toluka" jamoasi bilan 31 yoshli niderlandiyalik futbolchining transferi bo‘yicha muzokaralar olib bormoqda. Kelishuv yaqin kelajakda e’lon qilinishi mumkin.

Futbolchi o‘tgan mavsumni "Barselona"da ijara asosida o‘tkazdi. Kataloniyaliklar tarkibida u 21 ta o‘yin o‘tkazib, 6 ta gol urgan.