“Севилья” ҳужумчиси Люк де Йонг фаолиятини Мексика чемпионатида давом эттириши мумкин, деб ёзади журналист Фабрицио Романо.
Манбага кўра, испан клуби Мексиканинг "Толука" жамоаси билан 31 ёшли нидерландиялик футболчининг трансфери бўйича музокаралар олиб бормоқда. Келишув яқин келажакда эълон қилиниши мумкин.
Футболчи ўтган мавсумни "Барселона"да ижара асосида ўтказди. Каталонияликлар таркибида у 21 та ўйин ўтказиб, 6 та гол урган.