"Manchester Siti" yarim himoyachi Bernardu Silvani "Barselona"ga qo‘yib yuborishga tayyor bo‘lgan narxni ma’lum qildi.
Football Espana xabariga ko‘ra, agar kataloniyaliklar futbolchi uchun 94 million yevro to‘lashsa, ingliz klubi futbolchining ketishiga xalaqit bermaydi.
Oldinroq "ko‘k-anorranglilar" bosh murabbiyi Xavi "Manchester Yunayted"ga o‘tishi mumkin bo‘lgan Frenki de Yongning o‘rniga Silva variantini ko‘rib chiqayotgani haqida xabar berilgandi.
Bernardu "Manchester Siti"ga 2017 yilda "Monako"dan 50 million yevro evaziga o‘tgan edi.
2021/22 yilgi mavsumda u “shaharliklar” safida 50 ta o‘yin o‘tkazib, 13 ta gol va 7 ta golli uzatmani amalga oshirgan.