"Манчестер Сити" ярим ҳимоячи Бернарду Силвани "Барселона"га қўйиб юборишга тайёр бўлган нархни маълум қилди.
Football Espana хабарига кўра, агар каталонияликлар футболчи учун 94 миллион евро тўлашса, инглиз клуби футболчининг кетишига халақит бермайди.
Олдинроқ "кўк-анорранглилар" бош мураббийи Хави "Манчестер Юнайтед"га ўтиши мумкин бўлган Френки де Йонгнинг ўрнига Силва вариантини кўриб чиқаётгани ҳақида хабар берилганди.
Бернарду "Манчестер Сити"га 2017 йилда "Монако"дан 50 миллион евро эвазига ўтган эди.
2021/22 йилги мавсумда у “шаҳарликлар” сафида 50 та ўйин ўтказиб, 13 та гол ва 7 та голли узатмани амалга оширган.
