"Bavariya"ning yangi a’zosi Rayan Gravenberx nemis klubiga o‘tishi haqida fikr bildirdi.

"Bavariya"dan taklif tushgach, bu haqda uzoq o‘ylashim shart emas edi. "Bavariya" eng yirik klublardan biri, butun dunyodan kelgan futbolchilar bu klubda o‘ynashni xohlashadi.

Men Myunxenga ko‘plab chempionliklarni qo‘lga kiritish uchun kelganman, "Bavariya" esa ko‘p sovrinlarni qo‘lga kiritishga o‘rganib qolgan. Bu klub bilan hamma narsa mumkin, jumladan Chempionlar ligasida g‘alaba qozonish ham mumkin. Bu jamoa juda ahil, bu menga yoqadi", - deya futbolchining so‘zlarini keltiradi klub matbuot xizmati.