"Бавария"нинг янги аъзоси Райан Гравенберх немис клубига ўтиши ҳақида фикр билдирди.
"Бавария"дан таклиф тушгач, бу ҳақда узоқ ўйлашим шарт эмас эди. "Бавария" энг йирик клублардан бири, бутун дунёдан келган футболчилар бу клубда ўйнашни хоҳлашади.
Мен Мюнхенга кўплаб чемпионликларни қўлга киритиш учун келганман, "Бавария" эса кўп совринларни қўлга киритишга ўрганиб қолган. Бу клуб билан ҳамма нарса мумкин, жумладан Чемпионлар лигасида ғалаба қозониш ҳам мумкин. Бу жамоа жуда аҳил, бу менга ёқади", - дея футболчининг сўзларини келтиради клуб матбуот хизмати.