Angliyadagi klublar yangi asr boshlangandan buyon hamma kabi transferlarni amalga oshirdi. Ammo ularning eng ko‘p futbolchi sotib olish «manba»lari qaysi klublar edi? Quyida ayrim mashhur jamoalarning yigirma birinchi asrdagi xaridlari haqida gap boradi.

«Arsenal»: eng ko‘p «Chelsi»dan ‐ 6 marta

Futbolchilar: Petr Chex, David Luis, Lassana Diarra, Villian, Vilyam Gallas, Yossi Benayun.
Umumiy sarflangan summa: 23,4 million funt

«To‘pchilar» 11 futbolchining deyarli yarimini «Chelsi»dan olgan. Jamoa 2000 yildan beri APLning qolgan 19 klubiga qaraganda ko‘proq chetdan o‘yinchi olib kelgan. Bu savdolardan esa «Lill», «BVB» hamda «Real» eng ko‘p foyda ko‘rdi.

«Chelsi»: eng ko‘p «Barselona»dan - 7 ta marta

Futbolchilar: Sesk Fabregas, Pedro, Zenden, Emmanyuel Peti, Deko, Belletti, Bogard
Umumiy sarflangan summa: 89,91 million funt

«Chelsi» eng ko‘p marta «Barselona»dan futbolchi jalb qilgan. Ammo pul sarflash borasida «Real» bilan hamkor edi. London klubi Madriddan Morata, Kovachich, Makelele va Jeremini jami 126 million funtga olib kelgan.

«Everton»: eng ko‘p «MYU»dan - 8 marta

Futbolchilar: Morgan Shnederlen, Fil Nevill, Tim Xovard, Darron Gibson, Donni van de Bek, Ueyn Runi, Tom Kleverli, Lui Saa, Yesper Blumkvist
Umumiy sarflangan summa:29,79 million funt

«Everton» so‘nggi o‘n yilliklarda «MYU» bilan ko‘p bor hamkorlik qildi. Naq 8 ta futbolchi aynan mankunianliklar safidan olib kelinadi.

«Lester»: eng ko‘p «Manchester Siti»dan - 8 marta

Futbolchilar: Ixeanacho, Pol Dikov, Maykl Jonson, Kelvin Etuxu, Rayan Makgiver, Ben Mi, Stiv Xovey, Denni Tiato
Umumiy sarflangan summa: 26,28 million funt

Aslida «Man Siti»dan olib kelingan futbolchilarning yarmidan kӯpi, ijara asosida keltiriladi. «Lester» o‘zga jamoalardan ham futbolchi jalb etgan. Masalan: «Monako», «Sporting», «Sent-Etyen», «Nyukasl» va «Zalsburg».

«Liverpul»: eng ko‘p «Sautgempton»dan - 8 marta

Futbolchilar: Virjil Van Deyk, Sadio Mane, Adam Lallana, Deyan Lovren, Nataniel Klayn, Piter Krouch, Riki Lambert, Pol Jons
Umumiy sarflangan summa: 194,27 million funt

«Liverpul» boshqa klublarga qaraganda 70 million funt ko‘proq mablag‘ni aynan «Sautgempton»dan o‘yinchi xarid qilishga ishlatgan. Bu esa kattagina farq sanaladi.

«Manchester Siti»: eng ko‘p «Aston Villa»dan - 7 marta

Futbolchilar: Jek Grilish, Jeyms Milner, Garet Barri, Fabian Delf, Darius Vassell, Styuart Teylor, Peter Shmeyxel
Umumiy sarflangan summa: 151,65 million funt

«Shaharliklar» birgina Jek Grilish uchun 100 milliondan kechgandi. Ammo «Man Siti»dan eng katta foyda ko‘rgan klub «Benfika» sanaladi. Portugaliyaliklar uchta, Ederson, Ruben Diash hamda Xavi Garciaga 115 million funt olgan.

«Tottenxem»: eng ko‘p «Fulxem»dan - 5 ta

Futbolchilar: Rayan Sessenyon, Musa Dembele, Klint Dempsi, Shon Devis, Stid Malbrank         Umumiy sarflangan summa: 55,53 million funt

«Shporlar», shuningdek, «Sautgempton», «PSV», «Portsmunt» hamda «Vest Xem»dan ham 5 tadan futbolchi sotib olgan. Ammo eng katta mablag‘ni aynan «Fulxem»o‘yinchilariga sarflagan edi.

ISMATOV J.