"Barselona" bosh murabbiyi Xavi jamoa himoyachisi Jerar Pikega uni keyingi mavsumda asosiy o‘yinchi sifatida ko‘rmasligini aytdi. Bu haqda Mundo Deportivo xabar bermoqda.
Manbaning xabariga ko‘ra, murabbiy va futbolchi o‘rtasidagi suhbat ikki hafta oldin bo‘lib o‘tgan. Qayd etilishicha, Pike murabbiyga klubdagi o‘rin uchun kurashishda davom etishini aytgan.
Qayd etilishicha, Xavi 35 yoshli himoyachi bilan suhbatda o‘z qarorini futbolchining yuqori maoshi, ko‘p marotaba jarohat olishi va doimiy ravishda ijtimoiy faoliyatga chalg‘itishi bilan izohlagan.
Jerar Pikening "Barselona" bilan shartnomasi yana ikki mavsumga amal qiladi. Qayd etilishicha, himoyachi Kataloniya klubida qolish uchun hatto maoshini kamaytirishga ham tayyor.
