"Барселона" бош мураббийи Хави жамоа ҳимоячиси Жерар Пикега уни кейинги мавсумда асосий ўйинчи сифатида кўрмаслигини айтди. Бу ҳақда Mundo Deportivo хабар бермоқда.
Манбанинг хабарига кўра, мураббий ва футболчи ўртасидаги суҳбат икки ҳафта олдин бўлиб ўтган. Қайд этилишича, Пике мураббийга клубдаги ўрин учун курашишда давом этишини айтган.
Қайд этилишича, Хави 35 ёшли ҳимоячи билан суҳбатда ўз қарорини футболчининг юқори маоши, кўп маротаба жароҳат олиши ва доимий равишда ижтимоий фаолиятга чалғитиши билан изоҳлаган.
Жерар Пикенинг "Барселона" билан шартномаси яна икки мавсумга амал қилади. Қайд этилишича, ҳимоячи Каталония клубида қолиш учун ҳатто маошини камайтиришга ҳам тайёр.
