"Real"ning sobiq himoyachisi Marseloga "Fenerbaxche" qiziqish bildirmoqda, deb xabar beradi Goal.com.
Manbaga ko‘ra, turk klubi 34 yoshli braziliyalik futbolchiga shartnoma taklif qilishga tayyor.
Avvalroq, faoliyatini Turkiyada davom ettirish Marselo uchun ustuvor variant ekani xabar qilingandi.
Marselo 2007 yildan beri "Real"da o‘ynab kelayotgan edi. Bu vaqt ichida u klub uchun barcha musobaqalarda 545 ta o‘yin o‘tkazib, 38 ta gol urgan va 103 ta golga assistentlik qilgan.