"Реал"нинг собиқ ҳимоячиси Марселога "Фенербахче" қизиқиш билдирмоқда, деб хабар беради Goal.com.
Манбага кўра, турк клуби 34 ёшли бразилиялик футболчига шартнома таклиф қилишга тайёр.
Аввалроқ, фаолиятини Туркияда давом эттириш Марсело учун устувор вариант экани хабар қилинганди.
Марсело 2007 йилдан бери "Реал"да ўйнаб келаётган эди. Бу вақт ичида у клуб учун барча мусобақаларда 545 та ўйин ўтказиб, 38 та гол урган ва 103 та голга ассистентлик қилган.