Millatlar ligasining navbatdagi turida Italiya terma jamoasi o‘zining klassik raqiblaridan biri bo‘lgan Germaniya terma jamoasi bilan kuch sinashishadi.
Italiya terma jamoasi bosh murabbiyi Roberto Manchini dunyoning eng yaxshi jamoalaridan biri sifatida ko‘riladigan raqibidan nima kutayotgani haqida gapirdi. Nemislar xuddi italiyaliklar kabi 4 marta jahon chempioni bo‘lishgan.
«Men kuchli Germaniyani kutaman. Unda nafaqat kuchli futbolchilar, balki chiroyli o‘yin ham bor. Germaniya yuqori, dinamik xarakterda o‘ynaydi, katta kuchlar bilan hujum qiladi, to‘pni o‘zida ushlab turishni biladi. Ta’kidlayman - bu dunyoning eng yaxshi jamoalaridan biri», - deydi Manchini.
