"Roma" "Lill" himoyachisi Zeki Chelik bilan shartnoma imzolamoqchi.
Jurnalist Fabrisio Romanoning xabar berishicha, Italiya klubi 25 yoshli futbolchi uchun yangi taklif tayyorlamoqda va muzokaralar shu hafta davom etadi.
"Roma" bosh murabbiyi Joze Mourinyo yozgi transfer oynasida uni asosiy maqsad qilib qo‘ymoqchi.
Chelikning "Lill" bilan shartnomasi 2023 yilning yoziga qadar amal qiladi. U 2018 yildan buyon fransuz klubida o‘ynab kelmoqda.
O‘tgan mavsumda turkiyalik himoyachi “Lill” safida barcha turnirlarda 40 ta o‘yin o‘tkazib, 3 ta gol va 3 ta golli uzatmani amalga oshirgan.
