Pro liganing navbatdagi turidan o‘rin olgan "Mash’al" — "Yangiyer" (1:0) uchrashuvidan so‘ng mezbonlar bosh murabbiyi Dilyaver Vaniyev fikrlarini bildirib o‘tdi.

— O‘yin qiyin o‘tganini hamma ko‘rdi. Ayniqsa, oxirgi daqiqalarni aytmoqchiman. Balki bu tajribasizlikdandir. "Yangiyer" bizga hujum qilib himoyalanishga majbur qila oldi. Ko‘rib chiqib tahlil qilamiz. Bir necha kunlik hordiqdan so‘ng keyingi o‘yinga tayyorgarlik ko‘ramiz.

— 56-daqiqadagi vaziyatni gol deb hisoblaysizmi?
— Yo‘q, albatta. Qanot hakami hammasini ko‘rib turdi.

— Tayanch yarim himoyachilardan ko‘nglingiz to‘ldimi?
— Ko‘rsatma ko‘proq to‘pni ushlashga qaratilgandi. Ochig‘i, tayanch zonasida yo‘qotishlarimiz bor. Murabbiylar shtabi bilan vaziyatni ko‘rib chiqamiz. Birinchi bo‘limda yomon o‘ynashmadi. Ikkinchi bo‘limda esa funksional jihatdan to‘liq tayyor emasligi sezildi.