"Real Madrid" yarim himoyachisi Federiko Valverde "oltin to‘p"ni kim qo‘lga kiritishi kerakligini aytdi.

“Men buni jamoamdagi barcha 11 o‘yinchiga bergan bo‘lardim, ammo o‘ylaymanki, Karim Benzema mukofotga loyiqroq. U butun mavsum davomida o‘zini eng zo‘r ekanligini ko‘rsatdi.

U "Real Madrid", Fransiya va butun dunyo uchun namuna. Karim “oltin to‘p”ni qo‘lga kiritish uchun yana nima qilishi kerakligini bilmayman”, — deya Valverde so‘zlarini keltiradi Marca.

Benzema 2009 yildan beri "Real"da o‘ynamoqda. 34 yoshli fransiyalik futbolchining "qirollik klubi" bilan shartnomasi 2023 yilning iyunigacha tuzilgan.

Transfermarkt ma’lumotlariga ko‘ra, futbolchining bozor qiymati 30 million yevroni tashkil qiladi.