"Реал Мадрид" ярим ҳимоячиси Федерико Вальверде "олтин тўп"ни ким қўлга киритиши кераклигини айтди.
“Мен буни жамоамдаги барча 11 ўйинчига берган бўлардим, аммо ўйлайманки, Карим Бензема мукофотга лойиқроқ. У бутун мавсум давомида ўзини энг зўр эканлигини кўрсатди.
У "Реал Мадрид", Франция ва бутун дунё учун намуна. Карим “олтин тўп”ни қўлга киритиш учун яна нима қилиши кераклигини билмайман”, — дея Вальверде сўзларини келтиради Marca.
Бензема 2009 йилдан бери "Реал"да ўйнамоқда. 34 ёшли франциялик футболчининг "қироллик клуби" билан шартномаси 2023 йилнинг июнигача тузилган.
Transfermarkt маълумотларига кўра, футболчининг бозор қиймати 30 миллион еврони ташкил қилади.
