“Inter”ning bosniyalik hujumchisi Edin Jeko faoliyatini “Yuventus”da davom ettirishi mumkin. Bu haqda Sport Mediaset xabar bermoqda.
Qayd etilishicha, Turin klubi Paulo Dibalaning ketishi tufayli 36 yoshli hujumchiga etibor qaratgan. Shuningdek, avvalroq OAVda "Inter" yangi mavsumda Romelu Lukakuni qo‘lga kiritishni rejalashtirayotgani uchun bosniyalik futbolchini kelajakdagi rejalarga kiritmagani haqida xabar berilgandi.
Jekoning "Inter" bilan amaldagi shartnomasi 2023 yilning iyunigacha mo‘ljallangan. U o‘tgan mavsum A Seriyada "neradzurrilar" safida 36 ta o‘yinda maydonga tushib, 13 ta gol urdi va 5 ta golli uzatmani amalga oshirdi.