“Интер”нинг босниялик ҳужумчиси Эдин Жеко фаолиятини “Ювентус”да давом эттириши мумкин. Бу ҳақда Sport Mediaset хабар бермоқда.
Қайд этилишича, Турин клуби Пауло Дибаланинг кетиши туфайли 36 ёшли ҳужумчига этибор қаратган. Шунингдек, аввалроқ ОАВда "Интер" янги мавсумда Ромелу Лукакуни қўлга киритишни режалаштираётгани учун босниялик футболчини келажакдаги режаларга киритмагани ҳақида хабар берилганди.
Жеконинг "Интер" билан амалдаги шартномаси 2023 йилнинг июнигача мўлжалланган. У ўтган мавсум А Серияда "нерадзуррилар" сафида 36 та ўйинда майдонга тушиб, 13 та гол урди ва 5 та голли узатмани амалга оширди.
