Myunxenning “Bavariya” klubi yarim himoyachisi Mark Roka “Lids”da tibbiy ko‘rikdan o‘tmoqda, deb xabar beradi Sky Sports.
Futbolchini sotib olish ingliz klubiga 12 million yevroga tushadi. Mablag‘ bonuslar bilan birga 17 million yevrogacha ko‘tarilishi mumkin. Yarim himoyachi 2026 yilning iyunigacha shartnoma imzolaydi.
Avvalroq, "Lids" xavbeki Kalvin Fillips "Manchester Siti"ga o‘tishi mumkinligi haqida xabarlar tarqalgan edi.
2021/22 yilgi mavsumda Roka “Bavariya” safida 13 ta o‘yinda qatnashib, gol ura olmagan. Transfermarkt.com portali 25 yoshli ispaniyalik futbolchining narxini 7 million yevroga baholamoqda.
