Мюнхеннинг “Бавария” клуби ярим ҳимоячиси Марк Рока “Лидс”да тиббий кўрикдан ўтмоқда, деб хабар беради Sky Sports.
Футболчини сотиб олиш инглиз клубига 12 миллион еврога тушади. Маблағ бонуслар билан бирга 17 миллион еврогача кўтарилиши мумкин. Ярим ҳимоячи 2026 йилнинг июнигача шартнома имзолайди.
Аввалроқ, "Лидс" хавбеки Калвин Филлипс "Манчестер Сити"га ўтиши мумкинлиги ҳақида хабарлар тарқалган эди.
2021/22 йилги мавсумда Рока “Бавария” сафида 13 та ўйинда қатнашиб, гол ура олмаган. Transfermarkt.com портали 25 ёшли испаниялик футболчининг нархини 7 миллион еврога баҳоламоқда.