"Manchester Yunayted" yarim himoyachisi Alexandro Garnacho klub bilan yangi shartnoma imzolashga tayyor. Bu haqda Britaniyaning Times Sport nashri xabar bermoqda. Eslatib o‘tamiz, argentinalik "qizil iblislar" bilan amaldagi kelishuv kelasi mavsum oxirida yakuniga yetadi.
Garnachoga "Manchester Yunayted"ning yangi bosh murabbiyi Erik ten Xagga yoqdi. Niderlandiyalikning fikricha, bir muncha vaqt o‘tgach, futbolchi asosiy tarkib futbolchisiga aylanishi mumkin.
Garnacho o‘tgan mavsumda "Manchester Yunayted"da debyut qilgandi. Oldinroq "qizil iblislar"ning sobiq ustozi Ralf Rangnik argentinalik futbolchini "Old Trafford"da kelajagi ajoyib ekanini aytgandi.