"Манчестер Юнайтед" ярим ҳимоячиси Алехандро Гарначо клуб билан янги шартнома имзолашга тайёр. Бу ҳақда Британиянинг Times Sport нашри хабар бермоқда. Эслатиб ўтамиз, аргентиналик "қизил иблислар" билан амалдаги келишув келаси мавсум охирида якунига етади.
Гарначога "Манчестер Юнайтед"нинг янги бош мураббийи Эрик тен Хагга ёқди. Нидерландияликнинг фикрича, бир мунча вақт ўтгач, футболчи асосий таркиб футболчисига айланиши мумкин.
Гарначо ўтган мавсумда "Манчестер Юнайтед"да дебют қилганди. Олдинроқ "қизил иблислар"нинг собиқ устози Ралф Рангник аргентиналик футболчини "Олд Траффорд"да келажаги ажойиб эканини айтганди.