Londonning “Tottenxem” klubi Kiyevning “Dinamo”si va Ukraina terma jamoasi markaziy himoyachisi Ilya Zabarniyga qiziqish bildirmoqda, deb xabar beradi Football London.
Manba bergan xabarga ko‘ra, ingliz klubi Yoshko Gvardiol ("Leypsig"), Milan Shkrinyar va Alessandro Bastonini ("Inter") sotib olish borasida kelisha olmaganidan so‘ng, etiborini ukrainalik futbolchiga qaratgan. Kiyevliklar futbolchini 30 million yevroga sotishlari mumkin.
O‘tgan mavsumda 19 yoshli Zabarniy "Dinamo" safida barcha musobaqalarda 23ta o‘yin o‘tkazib, bitta golga assistentlik qilgan. Uning klub bilan shartnomasi 2026 yilning yoziga qadar mo‘ljallangan.