"Manchester Yunayted" "Portu"ning braziliyalik hujumchisi Evanilsonga qiziqish bildirmoqda, deb xabar beradi Record.pt.
Manbaga ko‘ra, ingliz klubi yozgi transfer oynasida futbolchi sotib olmoqchi va u uchun 60 million yevro to‘lashga tayyor. Biroq, "ajdarlar" hujumchi uchun 70 million talab qilmoqda.
22 yoshli Evanilson o‘tgan mavsumda "Portu" safida barcha turnirlarda 45 ta o‘yinda maydonga tushib, 21 ta gol urdi va 5 ta golga assistentlik qildi. Uning klub bilan shartnomasi 2025 yilning yoziga qadar mo‘ljallangan.