"Shaxtyor" va "Roma"dagi faoliyati bilan tanilgan portugaliyalik murabbiy Paulu Fonseka yangi ish topdi. Mutaxassis bugun, 21 iyun kuni Fransiyaning “Lill” klubi murabbiyi sifatida tanishtiriladi, bu haqda ijtimoiy tarmoqlarda insayder Saber Desfarj ma’lum qildi.
Fonseka o‘tgan hafta jamoani tark etgan Xoselin Gurvennek o‘rnini egallaydi. Portugaliyalikning "Lill" bilan shartnomasi ikki yilga mo‘ljallangan.
O‘tgan mavsumni klub Fransiya chempionati turnir jadvalida bor-yo‘g‘i o‘ninchi o‘rinda yakunlagandi.
