"Liverpul" hujumchisi Sadio Mane tibbiy ko‘rikdan o‘tish uchun "Bavariya" bazasiga keldi. Avvalroq u Myunxendagi tibbiy klinikada ko‘rikning birinchi qismini o‘tkazgan, deb xabar beradi jurnalist Florian Plettenberg.

Avvalroq tomonlar kelishuvning barcha shartlari bo‘yicha kelishib olgani haqida xabar berilgandi. Bitim summasi bonuslarni hisobga olmaganda 32 million yevroni tashkil qiladi. "Liverpul" uchun mumkin bo‘lgan maksimal daromad 41 mln.

Futbolchining rasmiy taqdimoti 22 iyun, chorshanba kuniga belgilangan.

2021/22 yilgi mavsumda hujumchi jamoasi safida 51 ta o‘yinda maydonga tushib, 23 ta gol urdi va 5 ta golli uzatmani amalga oshirdi.