"Ливерпуль" ҳужумчиси Садио Мане тиббий кўрикдан ўтиш учун "Бавария" базасига келди. Аввалроқ у Мюнхендаги тиббий клиникада кўрикнинг биринчи қисмини ўтказган, деб хабар беради журналист Флориан Плеттенберг.

Аввалроқ томонлар келишувнинг барча шартлари бўйича келишиб олгани ҳақида хабар берилганди. Битим суммаси бонусларни ҳисобга олмаганда 32 миллион еврони ташкил қилади. "Ливерпуль" учун мумкин бўлган максимал даромад 41 млн.

Футболчининг расмий тақдимоти 22 июнь, чоршанба кунига белгиланган.

2021/22 йилги мавсумда ҳужумчи жамоаси сафида 51 та ўйинда майдонга тушиб, 23 та гол урди ва 5 та голли узатмани амалга оширди.