Madridning “Real” klubi vingeri Marko Asensio yozda jamoani tark etishi mumkin.

Sport.es xabariga ko‘ra, 26 yoshli futbolchi "Liverpul"dan ko‘ra "Milan"ga o‘tishni afzal ko‘radi. Uning fikricha, Milan klubida asosiy tarkibdan joy olish ehtimoli yuqori.

Madridning “Real” klubi 2015 yil iyul oyida Asensio bilan shartnoma imzolagandi. Futbolchi 2021/22 yilgi mavsumda “qaymoqranglilar” safida 42 ta o‘yinda maydonga tushib, 12 ta gol urdi va 2 ta golli uzatmani amalga oshirdi.

Uning klub bilan shartnomasi 2023 yilning yoziga qadar mo‘ljallangan.