Мадриднинг “Реал” клуби вингери Марко Асенсио ёзда жамоани тарк этиши мумкин.
Sport.es хабарига кўра, 26 ёшли футболчи "Ливерпуль"дан кўра "Милан"га ўтишни афзал кўради. Унинг фикрича, Милан клубида асосий таркибдан жой олиш эҳтимоли юқори.
Мадриднинг “Реал” клуби 2015 йил июль ойида Асенсио билан шартнома имзолаганди. Футболчи 2021/22 йилги мавсумда “қаймоқранглилар” сафида 42 та ўйинда майдонга тушиб, 12 та гол урди ва 2 та голли узатмани амалга оширди.
Унинг клуб билан шартномаси 2023 йилнинг ёзига қадар мўлжалланган.
