Avvalroq “Bavariya” uchun tibbiy ko‘rikdan o‘tgan “Liverpul” hujumchisi Sadio Mane Myunxen klubi bilan Chempionlar ligasida g‘olib chiqish niyati borligini ma’lum qildi.

“Har bir futbolchi Chempionlar ligasida g‘alaba qozonishni orzu qiladi, dunyodagi har bir futbolchi buni orzu qiladi. Ammo Chempionlar ligasi finali haqida gapirishga hali erta, biz hali birorta ham o‘yin o‘tkazganimiz yo‘q. Shunday bo‘lsa-da, biz finalga chiqish uchun bor kuchimizni ishga solamiz", - dedi Mane Bild nashriga.

Avvalroq futbolchining transfer summasi 40 million yevroni tashkil qilishi xabar qilingandi.

30 yoshli senegallik futbolchi o‘tgan mavsumda "mersisaydliklar" safida 51 ta o‘yinda maydonga tushib, 23 ta gol urdi va 5 ta golga assistentlik qildi.