Аввалроқ “Бавария” учун тиббий кўрикдан ўтган “Ливерпуль” ҳужумчиси Садио Мане Мюнхен клуби билан Чемпионлар лигасида ғолиб чиқиш нияти борлигини маълум қилди.
“Ҳар бир футболчи Чемпионлар лигасида ғалаба қозонишни орзу қилади, дунёдаги ҳар бир футболчи буни орзу қилади. Аммо Чемпионлар лигаси финали ҳақида гапиришга ҳали эрта, биз ҳали бирорта ҳам ўйин ўтказганимиз йўқ. Шундай бўлса-да, биз финалга чиқиш учун бор кучимизни ишга соламиз", - деди Мане Bild нашрига.
Аввалроқ футболчининг трансфер суммаси 40 миллион еврони ташкил қилиши хабар қилинганди.
30 ёшли сенегаллик футболчи ўтган мавсумда "мерсисайдликлар" сафида 51 та ўйинда майдонга тушиб, 23 та гол урди ва 5 та голга ассистентлик қилди.