Saudiya Arabistoni konsorsiumi Italiya A seriyasining kuchli 8-o‘rinidan joy olgan klubni sotib olish uchun 350 million yevro berishga tayyor. Football Italia xabariga ko‘ra, bu klub o‘tgan mavsumni chempionatda yettinchi o‘rinda yakunlagan “Fiorentina” hisoblanadi.
Ta’kidlanishicha, potensial yangi egalar "Fiorentina"da yaxshi istiqbollarni ko‘rmoqda. Konsorsium jamoani keyingi bosqichga olib chiqishga va uni A seriyadagi eng yaxshilaridan biriga aylantirishga tayyor.
Eslatib o‘tamiz, "Fiorentina" qishda hujumchi Dushan Vlaxovichni Turinning "Yuventus" klubiga sotib, transferdan 80 million yevrodan ortiq daromad olgan edi. Jamoa bosh murabbiyi Vinchentso Italiano hisoblanadi.