"Manchester Siti" vingeri Raxim Sterling faoliyatini Ispaniyada davom ettirishi mumkin, deya xabar berdi jurnalist-insayder Ekrem Konur.
Manbaga ko‘ra, "Barselona" 27 yoshli angliyalik futbolchiga qiziqish bildirmoqda va uning atrofidagi vaziyatni kuzatmoqda. Yaqin orada kataloniyaliklar Sterling vakillari bilan aloqa o‘rnatishi mumkin.
Transfermarkt portalida 70 millionga baholanayotgan qanot hujumchisining "shaharliklar" bilan amaldagi shartnomasi 2023 yilning yozida yakunlanadi.













