Janluka Di Marsioning ijtimoiy tarmoqdagi xabariga ko‘ra, fransiyalik yarim himoyachi Pol Pogbaning Turinning "Yuventus" klubiga o‘tishi haqidagi yakuniy tafsilotlar bugun hal bo‘lishi kerak.
Manbaga ko‘ra, tomonlar muhokama qilishlari kerak bo‘lgan faqat bitta muhim jihat - shartnoma uzaytirish imkoniyati bilan to‘rt yilga yoki uch yilga imzolanishi.
Pogbaning tibbiy ko‘rikdan o‘tishi 5-8 iyul kunlariga belgilangan.
Eslatib o‘tamiz, fransiyalik futbolchi o‘tgan mavsum oxirida "Manchester Yunayted"ni tark etgandi. Turinliklardan tashqari, Fransiyaning "PSJ" klubi ham futbolchini o‘z safiga qo‘shib olishga harakat qilmoqda.
Yakunlangan mavsumda Pogba “Manchester Yunayted” safida barcha turnirlarda 27 ta o‘yinda maydonga tushib, bitta gol urdi va 9 ta golli uzatmani amalga oshirdi. Transfermarkt internet portali Polning bozor narxini 48 million yevroga baholamoqda.
